ایک نیوز:پاکستان سپر لیگ ٹین میںمیچز جاری ہیں،آج پی ایس ایل میں پشاور زلمی کا مقابلہ ملتان سلطانزسےہوگا،میچ رات 8بجے راولپنڈی کرکٹ سٹیڈیم میں شروع ہوگا۔
گزشتہ روز پی ایس ایل سیز ن10کے آٹھویں میچ میں کراچی کنگز نے کوئٹہ گلیڈی ایٹرز کو 56رنز سے شکست دےدی تھی۔
 کوئٹہ گلیڈی ایٹرز 176رنزکے ہدف کے تعاقب میں مقررہ اوورز میں9وکٹوں کے نقصان پر119 رنز ہی بناسکی تھی،کوئٹہ گلیڈی ایٹرز کے کپتان سعود شکیل نے33 اور محمد عامرنے 30 رنزکی اننگز کھیلی ۔
کراچی کنگز نے مقررہ اوورز میں 7 وکٹوں کے نقصان پر 175رنز سکور کیے، جیمز ونس نے 70، ڈیوڈ وارنر نے 31 اور ٹم سائفرٹ نے 27 رنز سکور کیے،کوئٹہ گلیڈی ایٹرز کے علی ماجد اور محمد عامر نے 2، 2 کھلاڑی آؤٹ کیے۔
اس سے قبل نیشنل سٹیڈیم کراچی میں کھیلے جانیوالے میچ میں کراچی کنگز نے کوئٹہ گلیڈی ایٹرز کیخلاف  ٹاس جیت کر بیٹنگ کا فیصلہ کیا تھا۔
پی ایس ایل 10 کے پوائٹس ٹیبل پر اس وقت اسلام آباد یونائیٹڈ 6 پوائنٹس کے ساتھ پہلے، لاہور قلندرز 4 پوائنٹس کے ساتھ دوسرے اور کراچی کنگز 4 پوائنٹس کے ساتھ تیسرے نمبر پر ہے۔
کوئٹہ گلیڈی ایٹرز 2 پوائنٹس کے ساتھ چوتھے، ملتان سلطانز صفر پوائنٹس کے ساتھ پانچویں اور پشاور زلمی صفر پوائنٹس کے ساتھ چھٹے نمبر پر ہے۔